Sanparke waarsku teen aanlyn-slenters
2012-05-21 12:30
Kaapstad – Die uitvoerende bestuur van die Kruger Nasionale Park, Abe Sibiya, het lede van die publiek, besighede en werknemers gewaarsku om op hul hoede te wees vir mense wat valslik beweer hulle verteenwoordig die KNP in verskeie aspekte van sy onderneming.
“Dit het tot ons aandag gekom dat daar aanlyn-forums is wat beweer hulle verteenwoordig Sanparke, veral die KNP, deur kliëntedienste te bied wat bewaring en toerisme-verwante kwessie vir gaste bespreek.
“Ons wil op die rekord stel dat Sanparke reeds sy eie, gevestigde formele prosedures en kanale het wat terugvoering aan gaste gee en het nie ‘n derde party nodig om namens hom die kwessies te hanteer nie,” het hy gesê.
Hierdie mense beweer in hul aanlynforums dat hul kliëntedienste daarop gemik is om te help om voorvalle of klagtes rakende die nasionale parke aan te meld – dit is dus bykomend tot die organisasie se bestaande kanale.
Daar word ook valslik beweer dat hulle fondse insamel vir verskeie bewaringsake, wat dan oorhandig word aan Sanparke se ere-veldwagters.
Om terugvoer te gee oor Sanparke, moet kliënte die volgende amptelike webadresse besoek:
Klagtes, komplimente en navrae.
Navrae oor die webwerf
Om deel te neem aan die Sanparks.org Forum, kliek hier.
– Lees meer by Tourism Update
– Volg Nuus24 op Twitter
