Saddlebackpas: Modder, myne en mymeringe
2011-07-25 12:25
Die meeste mense ry sowat vier uur aan die 380 km tussen Johannesburg en Barberton. En soos gewoonlik het ek iewers die pad byster geraak.
Laatmiddag leun blouwit wolke, oorlaai van die reën, swaar op Barberton se skouers.
Daar is net genoeg lig om in Pelgrimstraat na die fasade van Suid-Afrika se eerste aandelebeurs te kyk, ’n vrugtelose poging aan te wend om die Jock van die Bosveld-standbeeld te kry en die Sheba-myn (een van die rykste goudmyne ter wêreld) te besoek – net om agter te kom dit het pas gesluit.
Nie juis ’n produktiewe middag wat besienswaardighede betref nie…
Barberton is die nalatenskap van die kort goudbloeitydperk van die 1880’s – dit is oud in die mooiste sin van die woord.
Party mense sê as jy fyn genoeg luister, kan jy steeds die vae voetval hoor van die duisende onverskrokke fortuinsoekers van jare gelede.
Lees meer by WegRy
Volg Nuus24 op Twitter