SA-hotelle gevra om pryse te verlaag
2011-06-09 14:03
Kaapstad – Die Moederstad se bemarkingorganisasie vir toerisme het Woensdag gesê dat sy winter-toerismeveldtog slegs suksesvol kan wees as verskaffers bereid is om hul pryse te verlaag.
Baie hotelle en gewilde besienswaardighede ervaar ‘n stilte. Die lae toeristesyfers word veral erg gevoel ná die goeie 2010-winter tydens die Wêreldbeker-sokkertoernooi.
Calvyn Gilfellan van Cape Town Routes Unlimited is van mening dat dit al hoe meer onbekostigbaar vir Suid-Afrikaners word om in hul eie land te reis.
“Ons moedig mense aan om die bedryf bekostigbaar te maak vir Suid-Afrikaners, want as jy die plaaslike inwoners kan lok, sal die internasionele reisigers ‘n ekstra balans daartoe voeg,” het hy gesê.
Lees meer by Eyewitness News
Volg Nuus24 op Twitter