Rock-fees in Darling gaan groot
2011-09-15 09:49
Kaapstad – Rocking the Daisies het aangekondig dat nóg twee internasionale musiekgroepe by dié musiekfees in Darling aan die Kaapse weskus gaan optree.
Die Britse rock-band Band of Skulls gaan Saterdagaand (8 Oktober) op die hoofverhoog te sien wees en feesgangers kan die Franse duo Mustard Pimp /DIM MAK Vrydagaand (7 Oktober) op die Red Bull Studio Live Electronic-verhoog sien optree.
Kevin Saunderson van The Elevator wat van Detroit, Amerika af is, Belleruche van Brittanje en Boom Pam van Israel gaan ook by die fees te sien wees.
Band of Skulls se lede is Matthew Hayward, Russell Marsden en Emma Richardson wat in Southampton, Engeland, gebaseer is.
Tydens ‘n onlangse onderhoud met Nuus24 het die groep gesê, “Dis ons eerste keer in Suid-Afrika... Ons het absoluut geen idee wat om te verwag nie.”
Band of Skulls (Foto verskaf)
– Lees die volledige onderhoud met Band of Skulls.
– Kliek hier vir meer oor die Rocking the Daisies-fees.
– Volg Nuus24 op Twitter.