Robertson se Wine on the River is terug

2012-09-17 16:33

Kaapstad – Die gewilde fees Robertson Wine on the River vind vanjaar vir die sewende keer op die oewers van die Breërivier plaas.

Meer as 300 wyne van meer as 40 wynmakerye is maar net een van die trekpleisters wat die fees vanjaar het. Feesgangers sal deur jazz, ballades en blues-musiek vermaak word terwyl hulle kan smul aan ‘n groot verskeidenheid disse. Die fees vind van 19 toe 21 Oktober plaas op die Goudmyn-plaas langs die Breërivier.

Robertson Wine on the River bied ook ‘n groot verskeidenheid aktiwiteite vir kinders om dit ‘n feestelike en genotvolle gesinsgeleentheid te maak. Kinders onder 18 geniet gratis toegang wat dit ook meer kostedoeltreffend vir die hele gesin maak om alles te geniet wat die vallei bied.

Hierdie opelug-lentefees mag nie misgeloop word nie. Bring jou vriende en familie vir ‘n fees van puik wyn, heerlike kos, lekker musiek en algehele ontspanning in ‘n skouspelagtige, landelike omgewing en heerlike sonskyn.

Kontakbesonderhede

Kontak Robertson Wynvallei by 023-626-3167

Stuur 'n e-pos aan [e-mail]

Besoek Wine on the River se webtuiste vir meer inligting.
 
– Volg Nuus24 op Twitter