Reën ontwrig PE-vlugte
2012-02-03 19:47
Kaapstad – Swaar reën het lugverkeer by die lughawe in Port Elizabeth ontwrig.
RSG berig 'n aantal vlugte is gekanselleer, moes na ander lughawens uitwyk of is vertraag.
Colin Naidu, ‘n woordvoerder vir die Suid-Afrikaanse Lughawensmaatskappy (Acsa), sê nege vlugte na Port Elizabeth is weggewys, terwyl ander gekanselleer of uitgestel is.
Naidu sê egter die lughawe is steeds in bedryf. Hy sê elke keer as die reën effens opklaar, word sommige vlugte ingepas.
Volg Nuus24 op Twitter