Quantas waarsku oor hoër kaartjiepryse
2011-07-11 13:07
Sydney – Qantas Airways sê 'n nuwe belasting op uitlaatgasse wat deur die Australiese regering ingestel is, kan sy bedryfskostes met tot soveel as A$115 miljoen (sowat R83 miljoen) verhoog, berig die BBC.
Dié maatskappy, die tweede oudste lugredery in die wêreld, sê egter die verhoging sal waarskynlik op die ou end aan passassiers oorgedra word.
Qantas verwag dat die prys van 'n enkele binnelandse vlug teen 2013 met sowat A$3.50 (sowat R25) sal styg.
"In die konteks van die ernstige uitdagings waardeur die lugvaartbedryf wêreldwyd in die gesig gestaar word, sal die Qantas-groep nie in staat wees om die addisionele koste wat geassosieer word met die uitlaatgas-prys te dra nie, en die koste sal net so aan kliënte oorgedra word," het 'n verklaring deur Quantas gelui.
Die Virgin-groep in Australië het gesê dat hy soortgelyke stappe sal neem.
– Lees hier meer.