Qantas snoei 1 000 poste
2011-08-16 13:55
Sydney – Qantas Airways Ltd. het Dinsdag bekendgemaak dat hy beplan om 1 000 poste te snoei as deel van ‘n groot reorganisasie van sy internasionale bedrywighede, insluitend die bekendstelling van ‘n nuwe lugredery wat in Asië gebaseer is.
Die Australiese lugredery, wat sukkel om verliese van sy internasionale bedrywighede af te skud, sal tussen 106 en 110 Airbus A320 vliegtuie aankoop en van ouer vliegtuie ontslae raak as deel van die vyfjaar-plan.
Die veranderinge sal na verwagting sowat 1 000 poste raak, het Qantas gesê.
Die lugredery het ‘n verlies van AUS$200 miljoen (R1,5 miljard) vir die 2011 finansiële jaar voorspel en die uitvoerende hoof, Alan Joyce, meen die veranderinge is nodig om die lugredery se winsgewendheid te verseker.
– Lees meer by Forbes
– Volg Nuus24 op Twitter