Pluk appelkose by De Krans
2011-11-09 13:43
Kom vier die somer en die lekkernye wat dié tyd van die jaar bied deur tussen 23 November en 7 Desember heerlike appelkose by De Krans-wynkelder in Calitzdorp te gaan pluk.
Besoekers sal elke dag, behalwe Sondae, tussen 08:00 en 16:00 soet, sappige Bulida-appelkose kan pluk en proe.
‘n Prys van R3,90 / kg sal vir die appelkose gevra word en besoekers is welkom om hul eie houers te bring. Daar sal ook houers teen ‘n nominale fooi te koop wees.
As deel van hul jaarlikse fondsinsameling-projekte sal die Vygieshof-ouetehuis elke Woensdag en Saterdag aan besoekers ‘n heerlike snoekbraai by De Krans bied.
Drie heerlike middagetes sal tussen 11:30 en 14:30 teen ‘n koste van R39 per persoon beskikbaar wees.
Besoekers word aangeraai om vooraf te bespreek, aangesien hierdie etes baie gewild is.
De Krans is ook die tuiste van bekroonde port en besoekers is welkom om port en wyn te proe tydens hul besoek.
Vir besprekings en navrae, kontak Helet Viljoen of Bessie Barnardo op (044) 213 3314 of e-pos dekrans@mweb.co.za.
– Volg Nuus24 op Twitter