Parys bid vir Amerikaners
2009-08-27 15:58
Parys - Parys maak staat op Amerikaanse toeriste, asook die wet wat meer winkels gaan toelaat om meer inkomste uit toerisme te genereer, om ‘n hupstoot te gee nadat die swak ekonomie die getal besoekers aan dié Franse stad verminder het.
Die Franse hoofstad het onlangs ‘n daling van 11.1% onder buitelandse besoekers getoon.
Die meeste buitelandse besoekers bestaan uit Amerikaners, maar getalle het verlede jaar aansienlik geval weens die Amerikaanse ekonomie wat begin wipplank ry het en die Euro wat aansienlik versterk het.
Besoeke het egter weer in die tweede kwartaal van die jaar met 1.1% begin styg, het Parys se toerismekantoor gesê.
Paul Roll, direkteur van Parys se toerismekantoor, het gesê “die stad maak staat op Amerikaners om die inkomste wat deur toeriste ingebring word, te verhoog.” Parys Toerisme hoop ook dié inkomste sal vergoed vir die verlies van Britse, Japanese en Chinese toeriste.
Hy besef Amerika was die vroegste, asook van die hardste deur die ekonomiese krisis getref, maar hulle is ook na bewering op pad om te herstel.
Die swak Britse pond en die huidige finansiële probleme wat Brittanje tans ervaar het ‘n geweldige negatiewe uitwerking op toerisme gehad.
Die getal Britse besoekers het met 24.4% gedurende die eerste helfte van die jaar geval.
- AP