Openbare vervoer in Jhb floreer tydens WB
2010-07-15 21:02
Johannesburg - Bykans die helfte van die toeskouers wat die Wêreldbeker-sokkertoernooi in Johannesburg bygewoon het, het openbare vervoer gebruik, het Amos Masondo, burgemeester, Donderdag gesê.
"Toeskouers wat openbare vervoer gebruik het, was net onder halfmiljoen," het hy aan joernaliste in Johannesburg gesê.
'n Totaal van 1 042 160 mense het die 15 wedstryde in Johannesburg bygewoon en 479 517 toeskouers het openbare vervoer gebruik.
Meer as 260 000 mense het die parkeer-en-ry-stelsel gebruik, terwyl net onder 178 000 die parkeer-en-stap-stelsel gebruik het.
Die Rea Vaya-busdiens het 100 552 mense vervoer, terwyl 118 000 Metrorail gebruik het om by hul bestemming uit te kom.
Die ander toeskouers was belangrike en ander gaste wat hul voertuie naby die stadions parkeer of deur taxi's afgelaai is.
Volg Nuus24 op Twitter
- SAPA