Oorskotte dalk by wrak van Titanic gevind

2012-04-18 14:31

Menslike oorskot is dalk in die modder van die Noord-Atlantiese Oseaan gevind waar die Titanic 100 jaar gelede gesink het, het kenners gesê.  

Op die foto wat in 2004 geneem is en nou vir die eerste keer aan die publiek vrygestel, is kan 'n jas en 'n paar stewels gesien word wat in die modder van die skeepswrak vassit.

"Dit is nie skoene wat uit iemand se sak geval het nie," het James Delgado, direkteur van maritieme erfenis by die Amerikaanse nasionale oseaniese en atmosferiese administrasie aan AP gesê.

"Dit is waar iemand hul laaste rusplek gevind het," het hy gesê.

Dié foto en twee ander wys 'n paar stewels wat langs mekaar lê.

In April 1912 het die Titanic uit Southampton in Engeland na New York vertrek. Die vaartuig het ’n ysberg in die noordelike Atlantiese Oseaan getref en gesink. Meer as 1500 passasiers en bemanningslede het omgekom.

– Herald Sun.

– Volg Nuus24 op Twitter.

- AP