Olimpiese aanhangers deur vertragings getref

2012-07-30 14:31

Honderde aanhangers van die Olimpiese spanne wat Nieu-Seeland, Brasilië, Belarus en Egipte in aksie wou sien is in Londen gestrand of gedwing om in treine op die grond te sit nadat Virgin Trains slegs twee oggendtreine vanaf Londen na Manchester geskeduleer het, het Travel24 berig.

Baie aanhangers het gesê hulle is by stasies noord van Londen toegang tot die treine geweier, terwyl ander gepleit het om in die treine te klim en op die grond te sit. 

Intussen het RSG berig dat pendelaars in Londen is gewaarsku om Maandag, op die eerste werkdag van die Olimpiese Spele, gereed te wees vir moontlike vertragings op paaie en die moltreinstelsel.

Maandag word beskou as die eerste ware toets vir die gasheerstad se vervoernetwerk wanneer duisende toeskouers en toeriste na byeenkomste gaan, terwyl Britte by hul werkplekke moet uitkom.

Pendelaars is gewaarsku om sekere spoorwegaansluitings te vermy en om ekstra tyd toe te laat om hul bestemmings te bereik.

– Volg Nuus24 op Twitter.