Oktoberfest dié jaar duurder
2011-06-07 19:56
Berlyn – ‘n Aansienlike verhoging in die prys van bier
by die jaar se Oktoberfest in München het bierdrinkers in dié stad warm onder
die kraag.
Sowat ses miljoen mense van dwarsoor die wêreld besoek
jaarliks die München-bierfees.
Die stad van München het aangekondig dat een
liter bier tussen R83 en R88 sal kos.
Die brouery, wat in beheer is van die tente,
besluit gewoonlik op die prys, maar die stad van Munchen is veronderstel om
seker te maak hulle vra nie te veel nie.
Hierdie jaar se bier sal egter sowat 3-5% meer
kos as wat die tente verlede jaar gevra het.
“Daar’s geen regverdiging daarvoor nie,” het ‘n
woordvoerder van die Association Against Beer Rip-Offs (VGBE), gesê.
“Die brouerye én die stad van München maak
reeds oorgenoeg wins.”
Organiseerders het egter verduidelik dat
werknemers vanjaar meer betaal gaan word en dat hulle moes betaal vir ekstra
sekuriteit by die verskeie tente.
Op die ou end sal dit tien teen een die
kelnerinne wees wat die kortste end van die strooitjie trek.
Kliënte sal gewoonlik met ‘n R100-noot betaal
en vir die kelnerin sê sy mag maar die verskil in haar sak druk.
Hoe nader die bier se prys aan R100 is, hoe
minder gaan dié hardwerkende kelnerinne maak.
Volg Nuus24 op Twitter.