Oktober Bierfest nou op ons voorstoep
2011-08-15 17:23
Kaapstad – Die jaarlikse Oktoberfest in München is al vir 200 jaar ‘n kenmerkende deel van die Beierse kultuur en het gegroei om een van die wêreld se grootste feeste te word.
Meer as vyf miljoen mense van oor die wêreld heen woon jaarliks die fees in Duitsland by.
Maar hierdie jaar hoef Suid-Afrikaners nie hul ponde uit te haal en oor die waters te gaan nie, want die Oktober Bierfest kom na Kaapstad en Johannesburg.
Oktober Bierfest is ‘n herskepping van tradisionele Beierse bierfeeste.
Sale sal in tradisionele style opgemaak word en gaste kan die verskeidenheid Beierse kosse, gemaak deur die voorste plaaslike verskaffers van Duitse kos, geniet word.
Feesgangers sal bedien word deur Fraulein (Duitse dames) terwyl hulle na tradisionele musiek, insluitende “Oempa-orkeste”, luister.
Oktober Bierfest sal van 29 September tot 1 Oktober by die Village Green, Newlands-brouery, in Kaapstad wees.
Van 27 tot 29 Oktober sal die fees na Montecasino se buitelug-arena in Johannesburg skuif.
– Vir meer inligting besoek www.oktoberbierfest.co.za.
– E-pos: bookings@oktoberbierfest.co.za
– iafrica
– Volg Nuus24 op Twitter