Nuwe toerisme-trein vir Franschhoek
2010-03-16 10:01
Kaapstad – ‘n Multimiljoenrand projek wat toeriste langs wynroetes gaan vervoer en by verskillende wingerde en restaurante gaan stop, word tans vir Franschhoek beplan.
Franschhoek, bekend vir sy wyne en wêreldklas restaurante, beplan die 28 km lange spoorlyn na Paarl vir die nuwe tremwa. Die spoorlyn word tans nie meer gebruik nie.
Dié projek is die breinkind van Dave Blyth, ‘n besigheidsman in Franschhoek en sy seun Sean, ‘n lokomotief-entoesias.
Hulle is al vir die afgelope paar jare in onderhandelinge met Transnet, en het einde 2009 ‘n langtermyn huurkontrak geteken.
Ongeveer R10 miljoen sal gebruik word om die tremwaens aan te koop, opgraderings aan die spoorlyn te maak en ook om die projek te bemark.
- Vir die volledige storie besoek iol