Nuwe teater-restaurant open in Kayamandi
2011-10-10 09:00
Kaapstad – Maak gereed vir ‘n nuwe, interaktiewe Suid-Afrikaanse kos- en musiek-ervaring by die AmaZink-teater-restaurant in die Kayamandi- informele nedersetting in Stellenbosch.
AmaZink Live het saam met The Barnyard Theatre Production gewerk om die vertoning te skryf en te choreografeer.
Die span van 10 voer ‘n verskeidenheid van gewilde Suid-Afrikaanse liedjies op en die gehoor kan tydens die vertoning ‘n driegang-maaltyd geniet wat besaan uit ‘n kombinasie van Afrika-, Maleise en Afrikaanse disse.
AmaZink Live is deel van ‘n inisiatief wat daarop gemik is om toerisme-potensiaal in Kayamandi te ontwikkel.
Die plaaslike sakemanne Jan Viviers, Leon de Wit en Bertus Basson het saam met die entrepreneur Loyiso Mbambo gewerk om waarde te voeg aan die Kayamandi-gemeenskap deur hierdie projek.
AmaZink Live kan ‘n taxi reël vir gaste om hulle tussen Stellenbosch en Kayamandi te vervoer.
Kaartjies kos R300 per persoon en sluit ‘n verwelkomingsdrankie, ‘n driegangmaaltyd en die vertoning in.
– Tourism Update
– Volg Nuus24 op Twitter