Nuwe One&Only in China opgerig
2012-02-24 07:08
Kaapstad – Kerzner International het ’n ooreenkoms met die Hainan Gezhouba Industrial Company aangegaan om sy eerste One&Only-oord in China te ontwikkel en bedryf.
Dit sal langs Tufubaai in Sanya, Hainan, wees.
Die ooreenkoms is met die steun van Greentown Hotel Management bereik.
Die One&Only Sanya met 180 luukse kamers en villas sal in ’n woud van 40 acre van onder meer palmbome opgerig word en ’n private kuslyn hê.
Die oord sal waarskynlik vroeg in 2014 sy deure kan oopswaai.
Benewens die One&Only in Kaapstad is die luukse One&Only-oorde in Maledive, Mauritius, Doebai, die Bahamas en Mexiko.
– Volg Nuus24 op Twitter
- Beeld
