Nieu Seeland se fietsroete amper klaar
2010-07-24 00:56
Kaapstad – Die eerste seksie van ‘n 3 000km fietsroete deur Nieu Seeland se asemrowende landskap, is oopgemaak vir die publiek, berig Wanderlust.
John Key, eersteminister van Nieu Seeland, het twee skofte van die fietsroete, wat van Ruapehu tot Whanganui strek, amptelik geopen.
Hy was ook die eerste persoon om die roete per fiets uit te probeer.
“Wanneer die roete eers klaar is, sal fietsryers deur die Tongariro en Whanganui Nasionalepark, verby die bekende Bridge to Nowhere en die Hapuawhenua boogbrug sowel as verskeie Maori plekke van ontmoeting kan ry,” het Key gesê.
Die roete sal in totaal vier tot ses dae neem om te voltooi.
Die fietsroete behoort teen die einde van 2011 heeltemal voltooi te wees.
Kliek hier vir die volledige storie.
Volg Nuus24 op Twitter.