Nepal se internasionale lughawe weens brand gesluit
2012-02-09 10:01
Nepal – 'n Grasbrand het Nepal se enigste internasionale luhawe gesluit met vlugte wat na Indië herlei is.
Volgens Raviraj Shrestha, 'n polisiewoordvoerder, het die brand tot na aan die aanloopbaan versprei maar weg van die terminaal se gebou.
Die brand is binne ure onder beheer gebring en geen skade of sterftes is aangemeld nie.
Lokendra Bista, minister van burgerlugvaart en toerisme, het 'n ondersoek van stapel gestuur om uit te vind hoe die brand ontstaan het.
– Volg Nuus24 op Twitter.
- AFP