'Moeilike tye lê voor vir laekoste-lugrederye'

2012-02-27 11:00

Kaapstad – 'n Lugvaartkenner het Maandag gesê die stygende brandstofpryse en passasiersbelasting is groot uitdagings vir sommige laekoste-lugrederye in Suid-Afrika.

Dít kom nadat verskeie van Velvet Sky se vlugte, weens probleme met sy diensteverskaffers, vertraag en gekanselleer is.

Eienaars van Velvet Sky het intussen gesê passasiers hoef hulle nie oor die langtermyn-lewensvatbaarheid van die maatskappy te bekommer nie.

Guy Leitch, redakteur van SA Flyer Magazine, het gesê dit was moeilik om die eienaars se finasiële hulpbronne vas te stel.

"Ons weet nie hoeveel geld hulle het om aan die gang te bly nie en die lugredery gaan nog ten minste vir 'n jaar of twee nog nie geld maak nie."

Leitch het gesê alhoewel die lugredery 1Time die druk voel, doen ander gevestigde lugrederye baie beter.

Hy het gesê Kulula en Mango behoort ook nog goed te doen.

– Eyewitness News.

– Volg Nuus24 op Twitter.