Minimale bestraling deur lughawe-skandeerders
2011-04-04 23:37
Vlugpassasiers staar groter risiko’s van kosmiese strale tydens ‘n vlug in die gesig as van lughawe-skandeerders, het nuwe wetenskaplike navorsing getoon.
Nuut ontwerpte vollengte-skandeerders is verantwoordelik vir minder as 1% van die bestraling waaraan passasiers tydens ‘n vlug blootgestel word.
Die risiko is volgens die Amerikaanse wetenskaplikes dr. Patrick Mehta en dr. Rebecca Smith-Bindman “onbeduidend”.
Die dokters, wat kenners is in openbare gesondheid en radiologie, is gebaseer by die Universiteit van Kalifornië en het hul bevindinge in die Archives of Internal Medicine gepubliseer.
Dié kenners meen dat gereelde vlugpassasiers wat tot 60 ure ‘n week in die lug deurbring slegs ‘n minimale kanker-risiko in die gesig staar.
In vergelyking hiermee kan 600 tipes kanker in hierdie reisigers ontstaan as gevolg van die bestraling wat tydens die vlug self opgedoen word.
Verder kan 400 000 kankers ten spyte van hul reis-gewoontes in hul lewe voorkom.
Lees meer by Breaking Tavel News