Maori-kultuur sal WB-toeriste bybly
2011-09-09 21:01
Nieu-Seeland – ‘n Maori-toerisme-leier meen besoekers aan Nieu-Seeland se inheemse ervaring begin en eindig nie met die Wêreldbeker-rugbytoernooi nie.
Rugby-entoesiaste is bederf met eksotiese optredes deur tradisionele inwoners van die Noord-eiland by die Auckland-waterfront voor die toernooi se openingseremonie Vrydag.
Die hoof van die Maori Toerisme-vereniging meen ander gebeure – soos die Matariki, Waitangi-dag en die Parihaka International Peace Festival – is net so belangrik.
Die vereniging se voorsitter, Glen Katu, glo dat die wêreld tydens die toernooi betower sal word deur die Maori-kultuur en hul gasvryheid.
“Ek glo dat ons kultuur die unieke ding sal wees wat die toernooi anders sal maak as al die ander Wêreldbeker-toernooie wat al oor die wêreld aangebied is.”
Hy is van mening dat besoekers saam met die rugby en die mooi landskappe ook die Maori-kultuur sal onthou.
– Radio New Zealand
– Volg Nuus24 op Twitter