Mandela-museum kry blinknuwe baadjie
2011-10-11 09:49
Kaapstad – Die Nelson Mandela Museum sal sy deure in Mthatha in die Oos-Kaap tydelik aan die einde van Oktober sluit vir ‘n opgradering.
“Die opgradering van die Bunga-gebou is al vir verskeie jare op die kaarte, met die struktuur wat nie voldoen aan die verwagtinge van ‘n moderne museum nie,” het Nokuzola Tetani, 'n woordvoerder, Dinsdag in ‘n verklaring gesê.
Die gebou is in die 1930’s spesiaal gebou om die streek se administrasie te huisves. Die opgradering sal sowat 30 maande duur.
Die nuwe argitektuur en gespesialiseerde interne omgewingsbeheerstelsel sal voldoen aan internasionale erfenis- en bewaring-standaarde.
“Die vernuwing van die gebou sal goed wees vir die beeld van die Oos-Kaap en Mthatha. Die nuwe fasiliteit sal ‘n naslaanbiblioteek, rekenaarsentrum, kinderkamer, teater, sale met uitstallings en ‘n oriëntasie-sentrum hê,” het Tetani gesê.
– Volg Nuus24 op Twitter
- SAPA