Man wag vir 15 uur lank op foon vir diens

2012-08-03 14:33

Sydney – ‘n Australiese man beweer hy het 15 uur lank op die lyn gewag vir Qantas Airways om sy oproep te beantwoord – lank genoeg om ‘n 200-bladsy bestuurs-handboek te lees.

Andrew Kahn het aan die Fairfax-koerant gesê dat hy die lugredery gebel het om planne vir ‘n reis na New York te bevestig. Kahn is toe deur ‘n elektroniese boodskap beveel om aan te hou en dat iemand so gou as moontlik met hom sou wees.

“Ek wou toe presies uitvind wat hulle met so gou as moontlik bedoel,” het Kahn gesê.

Ná 'n rukkie het die sakeman van Adelaide besluit hy wil nie hê die oproep moet onnodig wees nie, en het toe bly aanhou terwyl hy ander goed begin doen het soos om “bietjie op die internet te wees, te werk en so aan”.

“Ek het ook dit reggekry om Bazerman & Moore se sewende uitgawe van Judgment in Managerial Decision Making klaar te lees, 'n boek van 200 bladsye," het hy gesê.

Khan het die oproep omstreeks 19:22 Woensdagaand gemaak en uiteindelik teen 11:01 Donderdagoggend het hy die oproep beëindig.

“Ek het later doodgedruk net omdat ek genoeg gehad het.”

Khan het ook bygevoeg dat hy nooit weer met die lugredery sal vlieg nie.

Qantas het geweier om kommentaar te lewer oor die voorval, maar het gesê dat daar nie ‘n rekord was enigiemand wat 15 uur lank moes wag nie. Die langste wagtyd was volgens die maatskappy 17 minute.

– Volg Nuus24 op Twitter

- AFP