Man beboet ná hy skreeuende kind van vlug wil kry

2012-02-22 19:56

Om langs 'n skreeuende kind op 'n vol vlug te sit, is enige passasier se nagmerrie.

Een passasier het egter besluit om iets omtrent die saak te doen en die nooddeur oopgemaak in 'n poging om die kind vinniger uit die vliegtuig te laat klim, het die Mail Online berig.

Le Van Thuan (29) het die nooddeur van die Vietnam Airlines-vliegtuig oopgemaak nadat dit by Ho Chi Minh-stad se lughawe geland het.

Sy ongeduldigheid het veroorsaak dat hy £455 (sowat R5 000) beboet is omdat hy die deur oopgemaak het.

Die ma en die kind het die gewone deur gebruik om die vliegtuig te verlaat.

– Volg Nuus24 op Twitter.