Lugverkeer langs Russiese kus deur aswolk geraak
2011-08-29 12:55
Moskou – Internasionale lugverkeer naby Rusland is geraak deur 'n aswolk wat kilometers hoog die lug inborrel vanuit ‘n vulkaan in ‘n afgeleë deel van die Russies kus, het regeringsamptenare Maandag gesê.
‘n Wolkkolom en as van die vulkaan Shiveluch, wat in die middel van Rusland se geharde Kamchatka-skiereiland geleë is, het ‘n hoogte van 8,6 km bereik en hou ‘n gevaar vir vliegtuie in, het amptenare by Rusland se National Geophysical Service (RNES) aan Interfax gesê.
Die as het oor die naweek in digtheid en intensiteit toegeneem. RNES het Shiveluch nou as oranje gemeet, een vlak onder die gevaarlikste vlak, rooi.
Die aswolk wat Maandag die lug in geskiet is was die ergste in die afgelope maand en het gepaard gegaan met rotsstorings, het die berig gesê.
Behalwe vir die gevaar wat die vulkaan vir vliegtuie inhou, bedreig dit geen menslike lewe of eiendom nie, met die naaste dorp aan die vulkaan wat sowat 45 km ver is, het amptenare gesê.
Shiveluch is een van die streek se mees aktiewe vulkane.
Rusland se Kamchatka-skiereiland bevat meer as 150 vulkane en is een van die wêreld se aktiefste seismiese sones.
– Volg Nuus24 op Twitter
- Sapa-DPA