Lugrederye kry dalk gouer 'groen'-brandstof
2011-12-05 16:51
VSA – Die wêreld se 7 000 lugrederye kan moontlik baie vinniger as ander vervoerstelsels oorskakel na lae-koolstof brandstof, aangesien vliegtuie baie minder “vulstasies” het, het Richard Branson gesê.
“Anders as met motors, waar daar miljoene vulstasies is, is daar slegs 1 700 lugvaart-stasies in die wêreld,” het Branson aan die Guardian gesê.
“So as jy die regte brandstof kan kry, soos massa-geproduseerde alge, is dit nie so moeilik om dit tot by 1 700 vulstasies te kry nie.”
Branson, wat verlede maand aangekondig het dat hy hoop Virgin sal afval-gasse van industriële staal- en aluminium-aanlgte as brandstof kan gebruik, het gesê die bedryf moet mik om teen 2020 volhoubare brandstof te gebruik.
– Lees meer by die Guardian
– Volg Nuus24 op Twitter