Lugredery kry digitale vlugtydskrifte
2011-03-16 15:37
Singapoer - Singapore Airlines het digitale weergawes van sy vlugtydskrifte geïmplementeer in ‘n poging om brandstofkoste te verlaag, het Fipp, die internasionale tydskrif-liggaam, gesê.
Dié lugredery het die gedrukte weergawe van drie van sy titels op twee van sy Boeing 777-300 ER vliegtuie gestaak.
Die lugredery het saam met SmartPapers Aviation gewerk om die inhoud van sy tydskrifte in digitale formaat om te sit, wat beskikbaar is op skerms aan die agterkant van die sitplekke.
Die publikasies is in hoë-resolusie en passasiers kan self kies in watter tipe skrif hulle wil lees. Hulle kan verder van sleutelwoorde gebruik maak om inhoud uit die tydskrif te kies.
Lees meer hier