Lodge in Limpopo deur brand vernietig
2011-08-24 13:36
Kaapstad – ‘n Lodge is erg beskadig deur veldbrande in Thabazimbi, het Working on Fire in Limpopo Woensdag gesê.
“Ek het inligting ontvang dat agt chalets, ‘n gedeelte van die hoof-lodge en die eienaars se huis Dinsdagmiddag afgebrand het,” het woordvoerder Alwyn Kruger gesê.
Volgens Kruger is tussen 50 000 en 60 000 hektaar veld tussen Rooiberg en Leeupoort vernietig.
Die impak van die brande op wildlewe in die omgewing sal verskeie dae neem om vas te stel, het Kruger bygevoeg.
Alhoewel meeste van die brande uitgebrand of geblus is, was daar steeds dele in sekere bergstreke wat Woensdag nog gebrand het.
Kruger het gesê die brandgevaar-indeks – wat bepaal word op weersomstandighede wat lei tot die verspreiding van brande – was Dinsdag in die rooi-sone op 71, maar het nou na die oranje-sone geval en staan op 61.
“Dit dui daarop dat die brand waarskynlik teen laatmiddag onder beheer gebring sal word,” het hy gesê.
– Volg Nuus24 op Twitter
- SAPA