'Local is lekker' vir SA Toerisme
2011-08-26 09:11
Kaapstad – Die minister van toerisme, Marthinus van Schalkwyk, het gesê sy departement wil Suid-Afrikaners aanmoedig om deur die land te reis, aangesien plaaslike toerisme die potensiaal het om ekonomiese groei te bevorder.
Van Schalkwyk het Donderdag gepraat by die bekendstelling van die Toerisme-maand by die Vryheidspark-monument in Pretoria.
Hy het verder aan gaste gesê dat ten spyte van verlede jaar se Wêreldbeker-sokkertoernooi, Suid-Afrika ‘n afname in plaaslike toerisme ervaar het.
“Verlede jaar het ons net onder 30 miljoen plaaslike reisie aangeteken. Hierdie syfer is laer as 2009 se syfer,” het hy gesê.
“Toerisme gaan oor mense en ons wil mense hierdie maand aanmoedig om plaaslik te reis sodat meer mense die wonderlike land waarin ons woon kan sien en ervaar.”
Hy het bygevoeg dat die regering meer in plaaslike toerisme sal belê om te verseker dat meer Suid-Afrikaners die land kan verken.
– Lees meer by The New Age
– Volg Nuus24 op Twitter