Kyk kunsfloppe in dié museum
2011-12-07 13:23
Boston – New York het die Metropolitan Museum of Art, Parys het die Louvre en Londen het die Tate, maar Boston het sy eie, minder bekende, kunsmuseum.
Die Museum of Bad Art (Moba) is die enigste museum in die wêreld wat slegs kunsstukke ten toonstel wat lelik skeefgeloop het.
Moba het in 1994 begin toe die antieke handelaar Scott Wilson die skildery “Lucy in the Field with Flowers” uit ‘n rommelhoop gehaal het in die hoop om die raam te red.
Hy was geïnteresseerd deur die ou vrou wat ongemaklik in die grasland gestaan het en uiteindelik het Wilson se vriend, Jerry Reilly, die skildery gered en stuk vir stuk het die versameling gegroei totdat die mans uitstallings in Reilly se keldervertrek begin hou het.
Die gewildheid van die uitstallings het uiteindelik daartoe gelei dat die uitstallings na die groter keldervertrek van die Deham-gemeenskapsteater geskuif is, waar swak kunswerke vandag nog hang.
Die museum het sedertdien uitgebrei na twee ander galerye in die Boston-omgewing, met 20 tot 40 stukke wat op enige gegewe tyd uitgestal word.
Die 600-stuk versameling het al die kategorieë wat enige groot kunsmuseum sal hê, soos landskappe, stillewes of naakskilderye, maar daar is ook ‘n paar vreemde kategorieë, soos “blou mense” en “swak eienskappe”.
– Lees meer by BBC
– Volg Nuus24 op Twitter