Kokoriba - Kyk so trap-trap wild
2011-02-11 15:06
Die Kokoriba driester-oord is ’n goeie mededinger vir die groter ATKV-oorde en Forever Resorts.
Die 60 km lange grondpad deur die wildkamp is oop vir bergfietsgeesdriftiges en daar is ook ’n 12 km-lange staproete op die terrein.
Hoe kom ek daar:
Vat die Brits-Thabazimbipad (die R511) uit die dorp vir so 35,5 km. Die oord se hoofhek is aan die regterkant.
Kampering:
Ongeveer 100 staanplekke en verskeie chalet-opsies wat deur ses ablusieblokke met outydse afwerking bedien word.
Daar is ses blokke en ook ’n waskamer met muntwasmasjiene en - tuimeldroërs.
Hierdie is ’n wildplaas van 752 hektaar waar jy onder meer gemsbokke, blouwildebeeste, waterbokke, sebras, njalas en ystervarke kan sien.
Die voëllewe sluit geveerdes soos die bleshoender, nonnetjiesuil, troupant, rooikeel-byvreter en visarend in.
Kliek hier om meer by WegSleep te lees.