Kinders kan omgewing help tydens skoolvakansie
2011-06-21 15:28
Kaapstad – Drie natuurreservate wat deel uitmaak van die Stad Kaapstad, naamlik die Blouberg-natuurreservaat, Milnerton Racecourse-natuurreservaat en die Rietvlei vleiland-reservaat, bied ‘n opwindende vakansieprogram vir kinders tydens die Junie/Julie skoolvakansie.
Die program sal oor drie weke van Maandag 27 Junie tot Vrydag 15 Julie verloop.
Die stad se bestuursdepartement vir omgewingshulpbronne is in beheer van die program en hoop om ‘n produktiewe plek te skep vir kinders om hul tyd tydens die skoolvakansie deur te bring.
Die natuurreservate sal ‘n plek wees waar kinders kan leer, speel en ook aktief kan deelneem om ‘n beter omgewing te skep.
Die departement hoop dat deur kinders aktief betrokke te maak hulle op ‘n jong ouderdom ‘n gevoel van eienaarskap kan ontwikkel.
Aktiwiteite sal daagliks om 09:00 afskop en rondom 12:00 eindig en sal van die weer afhang.
‘n Fooi van R4 per persoon per dag word gevra as toegang tot die reservaat en besprekings moet vooraf gemaak word.
Vir verdere besonderhede kontak Elzette Krynauw op 021 554 0957 of Chanelle Naidoo op 021 521 9900.
Kliek hier vir meer inligting en daaglikse programme.
Vir meer inligting oor die stad se meer as 30 natuurreservate en natuurlike omgewings, kliek hier.
- Nuus24