Kies binnekort sitplekmaat via sosiale media
2011-12-07 15:27
Kaapstad – KLM Royal Dutch Airlines is besig om ‘n diens te ontwikkel wat passasiers sal toelaat om sitplekmaats via sosiale media te kies, het die Dutch Daily News berig.
Alhoewel dit nog nie amptelik is nie, is die diens deur ‘n hoof van die lugredery by ‘n konferensie bekendgestel.
Dit sal beteken passasiers kan sosiale media soos Facebook of LinkedIn-profiele gebruik om sitplekmaats te vind wat dieselfde belangstellings as hulle het, of om sodoende met iemand oor sake te gesels.
Volgens De Telegraff sal die diens vroeg volgende jaar beskikbaar wees.
KLM het vroeër die jaar ook die nuus gehaal toe die lugredery in Junie aangekondig het hy sal brandstof wat van herwinde kookolie gemaak is in sy vliegtuie gebruik.
– Huffington Post
– Volg Nuus24 op Twitter