Kersliggies skop Kaapse feesseisoen af
2011-12-02 15:04
Kaapstad – Die feesseisoen word Sondag 4 Desember amptelik afgeskop wanneer Kaapstad se burgemeester, Patricia de Lille, en meer as 80 000 inwoners en besoekers sal saamkom vir ‘n konsert, karnaval-parade en die aanskakeling van die Kersliggies in Adderleystraat.
Die konsert skop om 15:30 af en plaaslike kunstenaars soos Karin Kortje en Loukmaan Adams, sowel as ‘n spesiale vertoning deur HHP, sal die skare vermaak.
Die feestelikhede sal tot 23:00 duur.
Die volgende paaie sal op Sondag 4 Desember gesluit wees:
Van 10:00 – 00:00
Beide kante van Adderleystraat en Heerengracht sal tussen Bureaustraat en Hertzog Boulevard gesluit wees.
Alle systrate wat na Adderleystraat lei sal gesluit wees en die verkeer sal herlei word.
Gesluit van 10:00
• Adderley- en Bureaustraat, Burg- and Houtstraat
• St George’s en Riebeeckstraat, Laer Buitenkant and Darlingstraat.
• Plein- en Castlestraat, Langstraat en Riebeeckstraat.
• Langmarkstraat and Parlementstraat, Darlingstraat tot by Pleinstraat
• St George’s- en Langmarkstraat, Burg- en Langmarkstraat.
• Langmark- en Pleinstraat, Langmarkstraat en Corporation-straat.
• Caledon- and Paradestraat, Adderleystraat en Fonteine-sirkel.
• Waterkant en Riebeeckstraat
Gesluit van 12:00
• Adderley- en Strandstraat, Lang- en Strandstraat.
• Strand- en Laer Buitenkant-straat, Plein- en Strandstraat.
Gesluit van 19:00
• Hans Strydom en Fonteine-sirkel, Hans Strydom en Langstraat.
• Laer Heerengracht en Sanlam-Sirkel.
• Hertzog Boulevard en DF Malan-straat.
Parkering
Geen parkering sal tussen 07:00 en 00:00 in Adderleystraat toegelaat word nie.
Daar sal ook geen toegang wees vir busse en taxi’s in Adderleystraat nie.
Die liggies sal om 20:00 aangeskakel word.
Vir meer inligting, kontak die Stad Kaapstad se vervoer-inligtingsentrum op +27 (0)800 65 64 63.
– Volg Nuus24 op Twitter