Kalahari Kuierfees kraai koning
2011-09-21 14:38
Upington – In 1992 was dit die SAD Rosyntjiefees, maar vandag, byna 20 jaar later, skud Upington nog steeds sy vere reg vir wat nou as die Kalahari Kuierfees bekend staan.
Vandag lok die fees, wat van 22 – 24 September duur, meer as 30 000 feesgangers en 170 uitstallers.
Op die hooffeesterrein die Eiland, waar alles op die gras reg langs die Oranjerivier gebeur, sien feesgangers teen 'n bekostigbare toegangsfooi tientalle van Suid-Afrika se topkunstenaars.
Die Kalahari Kuierfees onderskryf Afrikaans as taal en bevorder die omgewing se toerisme-aantreklikhede, sport, inheemse kos, streeksprodukte, die natuur, eiesoortige kulture, teater en opbouende musiek.
Dit is werklik ‘n fees vir die hele familie.
Besoek die fees se webwerf vir meer besonderhede
Telefoon: +27 (0)54 332 1100