Kaapstad sit beste voet voor
2011-07-25 13:54
Kaapstad – Toerisme-beamptes in Kaapstad sit hul beste voetjie voor terwyl beoordelaars van die World Design Capital-komitee die stad inspekteer.
Kaapstad, Dublin en Bilbao in Spanje sal meeding om die World Design-hoofstad-titel.
Die titel word deur die Council of Societies of Industrial Design toegeken aan die stad wat ontwerp die beste aanwend vir sosiale, kulturele en ekonomiese ontwikkeling.
Die beoordelaars sal van Khayelitsha na Kaapstad se middestad reis en sal met ‘n kritiese blik na die stad se omgewing kyk, het Bulelwa Makalima-Ngewana, besturende direkteur van die Kaapse Vennootskap, gesê.
“[Ons] kyk na argitektuur sowel as die akademiese sektor en wat hulle met ontwerp doen,” het sy gesê.
– Eyewitness News
– Volg Nuus24 op Twitter