Kaapstad een van beste strand-stede in die wêreld
2011-01-24 15:33
Van die wêreld se beste reisgids-bronne het in Januarie 2011 hul keuses van die Wêreld se 10 Beste Strand-stede bekendgemaak en Kaapstad het die tweede plek behaal.
Die Lonely Planet, ‘n betroubare reis- bron wat verskeie fasette van toerisme dek en ‘n geskiedenis van dertig jaar het, het Kaapstad beskryf as “mooi, prettig, sporterig en sosiaal”.
Die Lonely Planet se 10 Beste Strand-stede:
• Barcelona, Spanje
• Kaapstad, Suid-Afrika
• Rio de Janeiro, Brasilië
• Tangier, Marokko
• Sydney, Australië
• Valencia, Spanje
• Tel Aviv, Israel
• Dubai, Verenigde Arabiese Emirate
• Miami, VSA
• Brighton en Hove, Engeland
Mariette du Toit-Helmbold, hoof van Kaapstad Toerisme, het gesê dat hierdie prestasie ‘n viering is van Kaapstad se veelsydigheid.
“Kaapstad is nie net ‘n fassinerende, ryk kulturele stad nie, maar ook ‘n natuurlike paradys.”
“Ons is onder die min gelukkige bestemmings in die wêreld wat kan sê ons het ‘n kombinasie van die mooiste strande, ikoniese natuurlike skoonheid en ‘n kenmerkende stadkultuur wat deel van ons unieke identiteit uitmaak.”
Kaapstad se groeiende lys erkennings sluit in:
• Top Stad in Afrika en die Midde-Ooste en een van die Wêreld se Top-20 Stede deur Condé Naste Readers’ Travel Awards 2010.
• Afrika se Vooraanstaande Bestemming, 2010World Travel Awards.
• Tweede as Top-1o Kultuur en Besienswaardighede in Afrika deur TripAdvisor Traveller’s Choice Awards 2010.
• Een van die Top-10 Etiese Bestemmings in die Wêreld 2010, deur Ethical Traveler.