Interessante feite: Bloemfontein
2010-03-09 14:44
Jolandi Morkel
Wanneer 'n mens aan Bloemfontein dink, dink ons aan ‘n klein Afrikaanse dorpie in die Vrystaat. Maar Bloemfontein is eintlik ‘n dorpie ryk aan kultuur en bied baie interessante dinge vir toeriste om te ervaar en te doen.
Hier is ‘n paar dinge wat jy dalk nie van Bloemfontein geweet het nie:
1. Die stad se Sesotho naam is Mangaung, dit beteken die plek van die jagluiperds.
2. Bloemfontein is beter bekend as die ‘stad van rose’. Hoekom mag jy dalk vra? Wel dis omdat die jaarlikse roosfees hier gehou word.
3. Die fontein in Bloemfontein is ‘n betonkolom met ‘n mosaïek stad-embleem. Daar word gesê dat dit die rede agter die naam van die stad is, naamlik fontein van blomme.
4. Die ANC, die destydse South African National Native Congress, is op 8 Januarie 1912 in Bloemfontein gestig. John Dube was die eerste president en Sol Plaatjies was een van die stigterslede.
5. Die skrywer JRR Tolkien, skrywer van “The Lord of the Rings” was op 3 Januarie 1892 in Bloemfontein gebore. Alhoewel sy familie die land verlaat het, ná sy pa se afsterwe, het Tolkien steeds herinneringe van ‘n ‘baie warm land’.
6. Bloemfontein is ook die tuiste van die Vrystaat sokkerstadion. Die eerste en tweede ronde van die FIFA Wêreldbeker-sokkertoernooi sal hier gespeel word. Die stadion kan tussen 38 000 en 48 000 mense huisves.
Vir nog interessanthede oor Bloemfontein, kliek hier
- GoTravel24