Indië vra Australië om reiswaarskuwing terug te trek
2011-10-28 09:23
Perth – Indië plaas druk op Australië om sy reiswaarkuwing, wat teen terrorisme-aanvalle tydens die Kersseisoen waarsku, terug te trek, het Daijiworld.com berig.
Hamid Ansari, die adjunk-president van Indië, het gesê hy sal die saak met die Australiese premier bespreek as dit nodig is.
Somanahalli Mallaiah Krishna, die minister van buitelandse sake, het ‘n vergadering van die Statebond in Australië bygewoon en die saak met sy Australiese eweknie bespreek.
“Die waarskuwing word uit verband geruk en is teenstrydig met wat werklik die geval hier is," het hy Woensdag aan Kevin Rudd gesê.
Rudd het gesê dat die waarskuwings ‘n “roetine” is en dat hulle “nie enige inligting van ‘n spesifieke bedreiging" het nie.
– Lees die volledige artikel by Daijiworld.com.
– Volg Nuus24 op Twitter.