'Hou plaaslik vakansie' - Minister
2011-09-28 21:33
Kaapstad – Die toerismebedryf hoop om die getal plaaslike vakansies van 30,9 miljoen in 2009 na 54 miljoen in 2020 te verhoog, het die minister van toerisme Marthinus van Schalkwyk gesê.
“Kulturele en erfenis-toerisme-produkte... is belangrike dryfvere om ons plaaslike mark te laat groei,” het hy gesê.
“Ons departement en sy vennote wil ‘n kultuur van plaaslike toerisme onder Suid-Afrikaners bevorder.”
Die departement hoop om kultuur en erfenis-hulpbronne te integreer in toerisme-ontwikkeling om ekonomiese groei en werkskepping te ondersteun.
Hulle werk tans aan ‘n strategie om dit te bewerkstellig.
“Die strategie is daarop gemik om die spesiale kultuur en erfenis-ervarings wat beide die buitelandse en plaaslike markte aanspreek te ontwikkel, bevorder en te bestuur,” het Van Schalkwyk gesê.
– Volg Nuus24 op Twitter
- SAPA