Hier kan jy pars en proe
2011-02-17 15:14
Grande Provence in Franschhoek bied op Saterdag 19 Februarie weer sy gewilde, opvoedkundige Oesfees aan.
Die fees is geskep vir die hele familie, sowel as vir bloeiende wyn-entoesiaste en die dag gee almal die geleentheid om die wêreld van wyn eerstehands te ervaar saam met die gevierde wynmaker Jaco Marais.
Die feestelikhede begin om 09:00 met koffie, tee, vars muffins en ander pasteitjies wat deur die uitvoerende sjef, Darren Roberts, voorberei is.
Dit word gevolg deur ‘n trekkerrit na die wingerd waar daar op die tradisionele manier druiwe gepluk sal word.
Volgende sal daar ‘n toer deur die wynkelder wees en ‘n wynproe saam met Jaco.
Dan kom die pret deel, waar almal die wyn op die outydse manier met hul voete in die vate pars.
Gaste kan die middag ‘n braai onder die ou akkerboom geniet, terwyl hulle vermaak word met musiek en ‘n verskeidenheid van speletjies.
Die Oesfees is ook ‘n uitstekende spanbou-aktiwiteit en spesiale pryse word gegee aan groepe van 10 of meer.
Plek: Grande Provence
Waar: Franschhoek
Wanneer: 09:00 19 Februarie 2011
Kontak: 021 876 8600
restaurant@grandeprovence.co.za
http://www.grandeprovence.co.za
Koste: R290 per volwassene en R130 vir kinders onder 12. Ingesluit in die prys is ‘n bottel Angels Tears wyn per volwassene.
- Nuus24