Halfprys kabelkar-ritte vir die somer
2011-11-21 14:06
Kaapstad – Om te verseker jy sien die beste sonsondergange in Kaapstad sal kaartjies vir die Tafelberg-sweefspoor tot Woensdag 29 Februarie 2012 van ná 18:00 in die aande halfprys wees.
Dié spesiale pryse is slegs van toepassing op tweerigting-kaartjies en kos R97,50 vir volwassenes en R47,50 per kind.
Jy kan die rit nog meer spesiaal maak deur ‘n skemerkelkie en aandete op die berg te geniet deur van die Ride and Dine-akket gebruik te maak.
Dit sluit in ‘n halfprys tweerigting-kaartjie en ‘n kaartjie vir ‘n ete by die Table Mountain Café.
Met dié pakket kan jy ook vroeër toegang tot die kabelkar kry en teen 17:30 reeds die berg op ry.
Dit kos R187,50 per persoon en R92,50 per kind as jy die kaartjies aanlyn koop.
Kaartjies by die kaartjiekantoor kos R197,50 vir volwassenes en R97,50 vir kinders.
– Kliek hier om aanlyn kaartjies te koop.
– Volg Nuus24 op Twitter