Groot planne teen sneeu vir Heathrow
2011-04-18 09:45
Die operateur van Heathrow-lughawe, BAA, is besig om aan planne te werk om ondergrondse verhitting te gebruik om sodoende te verhoed dat geparkeerde vliegtuie in die ys vassit.
Die vakansieplanne van sowat een miljoen reisigers is verlede Desember in die wiele gery toe temperature tot onder vriespunt gedaal het en vliegtuie op dié lughawe tot stilstand gedwing is.
Die lughawe se operateur wil nou ‘n nuwe idee in werking probeer stel – ondergrondse verhitting op 'n enorme skaal.
BAA kyk nou na tegnologie om die somerson se hitte op die lughawe se teer vas te vang en dit te stoor tot die winter om die vliegtuie aan die beweeg te hou.
Die idee, wat die beginsel van Romeinse sentrale verhitting met 21ste eeuse hernubare energie-tegnologie kombineer, sal gebruik word om te voorkom dat vliegtuie vassit in ys, die hoofrede vir die chaos van verlede jaar.
Lees meer by die Guardian