Gratis vlug vir verloorders

2012-10-04 13:57

New York – Amerikaanse burgers wat dreig om die land te verlaat as hulle presidentskandidaat die verkiesing verloor het nou die kans om met hul belofte deur te druk.

JetBlue Airways bied gratis vlugte aan vir burgers wat ontevrede is met die uitslag van die verkiesing en 'n bietjie wil wegkom.

Die lugredery het Woensdag die aankondiging gemaak om saam te val met die eerste debat tussen die presidentskandidate in Denver.

“Ons almal het iemand al hoor sê: As my kandidaat verloor, dan vlug ek landuit,” het Marty St George, adjunkpresident vir bemarking van JetBlue, in ‘n verklaring gesê.

“Ons het besluit om mense die kans te gee om van die politieke geraas te ontsnap en deur te druk met hul belofte om weg te kom as hul kandidaat nie die paal haal nie.”

Mense wat in aanmerking vir hierdie reise wil kom moet na die JetBlue webtuiste gaan, hulle presidentskandidaat kies, deur Facebook inteken en kan dan die kans staan om een van meer as 1 000 kaartjies te wen na ‘n oorsese bestemming.

En as die wenners van die kaartjies voel hulle verlang bietjie, hoef hulle nie bekommerd te wees nie, die kaartjies is retoer.

– Volg Nuus24 op Twitter
 

- Sapa - AFP