Gratis vakansies vir kinders in Doebai
2011-04-06 22:29
Die woord gratis kom nie deesdae meer baie voor nie en wanneer dit doen laat dit eerder die wenkbroue lig as wat dit jou opgewonde maak.
Nietemin, die woord bestaan nog en so elke nou en dan kan jy vriendelik verras word.
Dubai Tourism and Commerce Marketing bied ‘n “kinders gaan verniet”-promosie aan om meer families aan te moedig om die stad te besoek.
Die aanbod strek van14 Mei tot 30 September 2011 deur toeroperateurs soos Travel 2 en Thomas Cook.
Die promosie sluit in dat kinders onder die ouderdom van 12 wat saam met twee volwassenes reis gratis kan eet en bly in meer as 45 instansies.
Van die hotelle sluit in die Jumeirah Beach Hotel, Atlantis, The Palm, en One&Only Royal Mirage.
Daar is ook ‘n 50% afslag vir kindervlugte op Emirates en gratis toegang vir tot twee kinders by verskeie aantreklikhede in Doebai.
Kliek hier om meer te lees.