Gratis kabelkar-ritte na Tafelberg vir kinders
2011-05-05 09:55
Dit is weer ‘Kidz Season’ op Tafelberg, waar twee kinders gratis op die kabelkar kan ry saam met ‘n volwasse wat volprys vir ‘n retoerkaartjie betaal.
Kidz Season is tussen 1 Mei en 30 Oktober en die aanbod is geldig vir naweke, publieke vakansiedae en tydens skoolvakansies.
Alle kinders ontvang ook ‘n skattejag-kaart en ‘n Kidz Season-armband met hul aankoms. Hulle kan pryse wen deur gebruik te maak van die kaart en ontvang ook 10% afslag op spesiale items by The Shop at the Top wanneer hulle hul armband wys.
Die Kidz Season retoerkaartjieprys is R180 per volwassene en sluit twee gratis kaartjies vir kinders onder 18 in. Die gewone koste vir kinders is R90.
- Nuus24