Google neem Street View die wildernis in

2012-06-14 21:02

Google beplan om die wêreld se staproetes nou in 3D beskikbaar te stel met die bekendstelling van Street View Trekker.

Dit nie genoeg om net strate in 3D te besigtig nie, so Google beplan nou om terreine wat nie per motor bereik kan word nie ook in beeldmateriaal vas te vang.

Street View Trekker is verlede week bekendgestel en behels ‘n stapper met ‘n groot rugsak waaraan ‘n kamera met 15 lense aan vasgemaak is.

“Ons neem nog ‘n stap vorentoe met ons Street View Trekker. Julle het ons motors, driewielmotorfietse, sneeumobiele en trollies gesien – maar wiele kan jou net so ver bring.

“Daar is ‘n hele wildernis daar buite wat slegs te voet bereik kan word. Trekker los daardie probleem op deur ons in staat te stel om mooi plekke soos die Grand Canyon af te neem sodat enigiemand dit kan verken.

“Al die toerusting pas in een rugsak en ons het dit reeds teen die hange uitgeneem.”

– Lees meer by Wanderlust

Kyk hier hoe dit werk:



– Volg Nuus24 op Twitter