Goedkoop lugdiens net so grappig soos sy reklame
2010-09-10 10:04
Kaapstad - Kulula.com is bekend vir hul snaakse advertensies sedert hul bekendstelling in Suid-Afrika. Nie net is hul advertensie lagwekkend nie, maar die ondervinding wat jy op die vliegtuig self gaan opdoen is ook skreeusnaaks.
Maar regoor die wêreld is daar lugrederye wat bietjie humor by hul aankondigings inbring.
Hier is van die bestes:
“Indien die vliegtuig skielik druk verloor, sal maskers uit die dak kom. Hou op skree, gryp die masker en trek dit oor jou gesig. Indien jy ‘n kleuter het wat saam met jou reis, sit eers jou masker op voordat jy jou kleuter met hom/haar masker help. Indien jy met meer as een kleuter reis, kies jou gunsteling een.”
“Daar is meer as 50 maniere om jou geliefde te verlaat, maar daar is net vier maniere om uit die vliegtuig te kom.”
“Jou sitplek-kussings kan gebruik word om mee te dryf, indien die vliegtuig ‘n waterlanding moet maak. Gebruik die kussing en roei na wal. Jy kan dit agterna met ons komplimente vir jouself neem.”
“Wanneer jy die vliegtuig verlaat, maak seker jy onthou al jou besittings saam. Alles wat agterbly sal onder die kajuit-bemanningslede verdeel word. Moet asseblief nie kinders of eggenote agterlaat nie.”
"Kulula kondig met trots aan dat ons van die beste kajuit-bemanningslede in die industrie het. Ongelukkig is niemand van hulle op hierdie vlug nie.”
“Rook is verbode op die vliegtuig en jy kan R2000 beboet word. Vir daardie geld kon jy SAA gevlieg het.”
- Vir die volledige storie besoek GoTravel24.
- Volg Nuus24 op Twitter.